Жаңылыктар

Бүгүн, 22-апрелде  КРнын Министрлер Кабинетинин төрагасынын орун басары Эдил Байсалов Интеллектуалдык менчик жана инновациялар мамлекеттик агенттигинин ишмердиги менен таанышты.

Жолугушууда Кыргызпатенттин интеллектуалдык менчик жана инновациялык ишмердикке ишмердигине байланышкан маселелер талкууланды.

Кыргызпатенттин директору Рахат Керимбаева ведомствонун ишмердиги, анын ичинде мекеме тарабынан өлкөнүн бардык областарындагы инновациялык долбоорлорду каржылоо жана аларды илгерилетүү максатында демилгеленип жаткан “40 райондон – 40 демилге” долбоору менен тааныштырды.

Мындан сырткары, “Аймактарда инновациялык борборлорду ачуу” долбоору, аймактагы мектептерде коомдук башталыштагы илимий жетекчилерди дайындоо институту тууралуу да кенен баяндап берди жана бул демилгелер балдардын потенциалын жаш курагынан тарта ачууга жардам берет.

Жолугушуунун жыйынтыгында КРнын Министрлер Кабинетинин төрагасынын орун басары Э. Байсалов маанилүү тармакта үзүрлүү эмгектенип жатканы үчүн ведомствонун кызматкерлерине ыраазычылык билдирип, инновациялык ачылыштарды жана стартаптарды илгерилетүүгө басым коюуну сунуштады.

Бүгүн, 20-апрелде Бүткүл дүйнөлүк китеп жана автордук укук күнүнө карата Кыргызпатент жаш калемгерлердин «Саамалык – 16» адабий жыйнагынын бет ачар аземин өткөрдү.

Жаш авторлордун алгачкы чыгармалар топтомун чыгаруунун максаты — калемгерлердин чыгармачылыгын колдоп, тунгуч чыгармаларынын жарык көрүүсүнө өбөлгө түзүү жана шык-эргүү берүү болуп саналат.

Иш-чараны Кыргызпатенттин директору Рахат Керимбаева ачып берип, жаш калемгерлердин  “Саамалык” аркылуу тушоосу кесилип, эртеңки күнү жылдызы жанып, эл арасында белгилүү акын-жазуучу болуп чыгарына үмүттөнөрүн, авторлордун чыгармачылыгынын өнүгүшүнө Кыргызпатент ар качан колдоо көрсөтө тургандыгын билдирди.

Аталган альманах 2000-жылдын март айынан тарта чыгарылып келет. «Саамалык –16» адабий топтомуна өлкөбүздүн бардык аймактарынан, ошондой эле Россия Федерациясында эмгектенген жаштардын, студенттердин, мектеп окуучулардын, жалпысынан 47 жаш калемгердин алгачкы чыгармалары жарык көрдү.

Иш-чаранын жүрүшүндө жаш калемгерлердин ырлары окулуп, “Сейтек” балдар жана өспүрүмдөр улуттук борборунун алдындагы “ДемиАрт” театралдык студиясынын окуучулары даярдаган театралдык көрүнүштөр көрсөтүлдү.

Бет ачар аземи Кыргызпатенттин инновациялык борборунда өткөрүлүп, ага белгилүү акын-жазуучулар, адабий клубдардын жетекчилери, мүчөлөрү, жаш авторлор жана адабият сүйүүчүлөрү катышты.

Бүгүн, 19-апрелде Кыргызпатент “Кыргыз Республикасында селекциялык жетишкендиктерди укуктук коргоо” аталышында тегерек стол өткөрдү.

Иш-чара Кыргызпатенттин Инновациялык борборунун базасында уюштурулуп, ага мамлекеттик органдардын, жогорку окуу жайлардын, илимий-изилдөө институттарынын, селекционерлердин, үрөөнчүлүк жана мал чарбачылык ассоциацияларынын, Кыргызстандын күнөсканалар ассоциациясынын өкүлдөрү жана патенттик ишенимдүү өкүлдөрү катышты.

Иш-чараны Кыргызпатенттин директорунун биринчи орун басары Исламбек Мойдинов ачып берди.

Баяндамачылар селекциялык жетишкендиктерге укуктук документ алуу, мал чарбасынын асылдуулугун жогорулатуу, айыл чарба өсүмдүктөрүнүн жаӊы сортторун чыгаруу жана күнөсканада өстүрүлгөн өсүмдүктөрдүн натыйжалуулугу тууралуу маалыматтарды беришти.

Катышуучулар тарабынан селекциялык жетишкендиктерди коргоо маселелери, ушул жаатта коомчулуктун маалыматтуулугун жогорулатуу боюнча суроо-жооп түрүндө талкуу жүргүзүлдү.

2022-жылдын 5-апрелинде Кыргызпатенттин делегациясынын Түркия Республикасынын болгон иш сапарынын алкагында ведомствонун директору Рахат Керимбаева Түркиянын Президентинин Аппаратынын Адам ресурстары башкармалыгынын башчысы Неше Гулзен жана Түркиянын чакан жана орто бизнести өнүктүрүү жана колдоо башкармалыгынын (KOSGEB) президенти Хасан Басри Курт менен жолугушууларды өткөрдү.

Адам ресурстары башкармалыгы менен болгон жолугушууда тараптар Кыргызстандын аймактарында технопарктарды, бизнес-инкубаторлорду ачуу жана ушул тармакта тажрыйба алмашуу жаатында кызматташтыкты улантуу маселелерин сүйлөштү.

Ал эми, KOSGEB уюму менен биргеликте интеллектуалдык менчик объектилерин өндүрүштө колдонуу жана технологияларды трансферлөө, инновациялык долбоорлорду ишке ашыруу максатында эки тараптуу кызматташуу Меморандумуна кол коюуну, инновациялык инфратүзүмдөрдү өнүктүрүү жаатында эки тараптуу кызматташтыкты улантууну макулдашты.

2022-жылдын 5-апрелинде Кыргызпатенттин директору Рахат Керимбаева баштаган делегация Түркия Республикасынын маданият жана туризм министрлигинин автордук укук боюнча башкы башкармалыгына (Анкара шаары) визит менен барды.

Делегацияны Түркиянын автордук укук боюнча башкы башкармалыгын башкы директору Зия Ташкент тосуп алды.

Аталган визит Кыргыз Республикасынын Министрлер Кабинети менен Түркия Республикасынын Өкмөтүнүн ортосунда автордук укук жана чектеш укуктар жаатында өз ара түшүнүшүү тууралуу Меморандумун (2021-жылдын 9-июну, Анкара шаары) ишке ашыруунун алкагында уюштурулду.

Жолугушууда Кыргызпатенттин делегациясы Башкы башкармалыктын автордук укук жана чектеш укуктарды коргоо, аларды каттоо, чыгармаларды сертификациялоо тутуму, адистештирилген бирикмелердин ишмердиги, автордук укукту Интернет тарамдарында коргоо, авторлордун чыгармачылыгын шыктандыруу ишмердиги менен таанышты.

Мындан сырткары, тараптар эаталган ведомствонун креативдүү чөйрөнү өнүктүрүү жана окутуу тутумдары тууралуу маселелерди талкуулады.

Жыйынтыгында жогоруда көрсөтүлгөн багыттарда кызматташтыкты бекөмдөөнү, биргеликте конференцияларды, тегерек столдорду жана окутуу программаларын уюштурууну макулдашты.